好忙

最近同下個星期工作會很忙，尤其今日遲些返到公司，要編兩版半，都唔知主任點安排工作，一版即日；半版星期日見報，但我明日唔返，即係要今日搞惦；一版星期一見報，但今日要畀美術排版。而今晚收工又約了同事打麻雀，唔可以遲走，死硬。

搬了去細佬度住，但阿爸之前無同我講，原來附近有單位裝修緊，我點睡啊，所以而家早上反而可以寫blog。

有位同事昨日同我暗示我升職的事，原來老細已同人講了，咁應該真係有機會掛。那位同事講，老細想栽培我，因為而家無人幫到佢手，老細又向她提及我在明報時已是睇版的事。

與舊同事睇唔成畫，我們未開門已去排隊都買唔到票，最後去了睇《哈利波特》。那日在銅鑼灣竟然遇到同事avy。呢晚同冬姐傾了很長的電話。又打了阿權的公司電話，恭喜佢升職!

沽了隻賺錢的太航(2343)，其實都覺得還有得升，但因為呢排全只是賬面賺，未真正有賺的落袋，所以沽了，呢隻被我估中係頭肩底，還有兩隻王牌未沽：新華(811)同神醫(8186)，呢3隻都好勁，其他還有好多隻中細價股還在搏殺緊，例如3898、1224、217、2312、397、2727、1129、8250等。