怪人

星期日有位同事同我講了一單笑料。因為地產版要加大，老細於是幫地產主管落實請記者的人選，並將電話交畀地產主管，叫佢負責回覆對方。一星期後，同事問那位主管，但主管竟然未打電話畀對方，理由係「由見工到老細畀電話都隔了兩星期，人地都搵了新工啦」「而且又唔得閒打」。有無搞錯，老細叫打竟然唔做，而且而家又拖多一個星期；幾忙都好，搭廠車都可以打5分鐘電話掛。蘋果的人真係好怪，唔通連打個電話都要老細親自做?

今日老細推介隻850真係急升，以前我跟佢買輸多贏少，所以唔敢推介畀人，佢的style唔適合我，因為佢真係低買高賣，但今次我有預感會升，所以講畀其他人聽，估唔到真係升，我今日仲加碼。今日連之前老細推介的8250都急升，我終於由蝕變賺。