西餅

頭先11點左右、當我仲熟睡時，老細突然打電話畀我，取消今晚出去食宵夜，講野無精打采，同以前完全唔同，睇來佢屋企一定好大件事。原來有些同事都有send短訊慰問佢，大家都好關心佢。

噚日最後買了文華東方的半打西餅返公司，第一時間梗係請老細食，因為那次請食壽司，老細去了開會無食到，我應承了佢之後會請番佢。當我同佢講買西餅係為了答謝前日幫我好大忙的同事時，老細就話我好識撈。其中一位係記者大姐大，佢揀西餅時就話：「好精緻喎，你次次出手都咁重。」事緣上次請食壽司，佢都讚好好食。跟住佢拿麥樂雞畀我，話回贈番我。