龍舟傳聖火

同朋友agnes去了看龍舟傳聖火，好多人，好好睇。係火炭站已見到國旗飄揚，又有唔少人著住紅色衫，或者貼上中國加油的貼紙。出到城門河場面仲壯觀，兩岸都企滿人迎接聖火。雖然已被人佔據晒有利位置，好彩識得企上石壆睇，先見到聖火同龍舟隊橫渡城門河的一幕，心情好興奮。食完野後係新城市廣場睇直播，見到陳弈迅同張學友傳聖火。

跟住我去左灣仔買禮物，仲買了兩張生日卡，雖然款式唔多，但估唔到其中一張寫左一句聖經的經文，就係我最鍾意的哥林多後書那一句，好意外，完全無想過有。我打算將那一句同一位快生日的好朋友分享。

今個星期有兩日要早起去葬禮，一個係組員的媽媽，另一個係祖母的妹妹。

由於做替工，我要連續返工十日，將補假押後係五月中，可以放四日大假，先苦後甜。