踩單車

輾轉之下，星期六與幾位同事去了踩單車，已經好耐好耐無踩過，開頭唔記得點踩，慢慢又掌握到竅門，但上斜同落斜都係唔惦，上上下斜便無力再上，而落斜都試過幾次得手。

我地由大圍踩到去大埔，沿途雖然風景都好靚，但我唔識踩，好驚撞到人，又大落後，要趕上同伴，所以淨係欣賞好少。我雖然全程99.9%都係最後一個，但竟然出奇地唔使我包尾，因為有兩個同事迷路，唔識搵番單車舖，而我由科學園至單車舖那段，有位同事可能怕我唔識路，成日都等埋我，不時向後望我係邊，結果我跟住佢，尾３那位到達目的地，爆出個大冷門。