知音人

老細放假呢排我做得好慘，被惡人日日欺凌，冷嘲熱諷，幾位同事都替我不值，當我做到最灰心時，衝口而出話可能遞信，估唔到一位同事竟然話：如果你遞信，我都會遞信。而家老細返左來，我估唔會再被人蝦掛。

到星期六，暫且放低唔開心的事，帶左佢去半山行同影相，而其中一個重點係去教堂。佢同我都有個希望，就係參觀好多好多的教堂，好感恩有個知音人。

沿住自動扶手電梯上去，去左睇舊中區警署、域多利監獄、前裁判司署。舊年我已經睇過警署同監獄，但當時睇漏左座裁判司署。估唔到係一條龍服務，個疑犯被補後，可以立即被判刑，然後跟隨就被押入監獄。

佢第一次去，見到佢係咁影相同讚好，總算無介紹錯。

舊中區警署

左面係前裁判司署，右面則係域多利監獄

跟住去左影藝穗會、聖公會會督府同聖保羅堂。兩個星期前我都去過聖保羅堂，但當時係夜晚，影得較差。

藝穗會

上圖係聖公會會督府，下圖為聖保羅堂

然後帶左佢去聖母無原罪教堂，上次我只係參觀左幾分鐘，而今次我地就坐定定，聽埋彌撒。嘩勁多人！

我地又去左合一堂，但佢地原來逢星期日先有崇拜。

食完晚飯後，就繼續我地的探險之旅，係咁行內街，又入過去公理堂。