我很好

好多時送禮物畀人，我都會想過度過，雖然唔係貴，但我真係用了心思。

可能小至只係一張生日卡，試過之前送畀一位舊同事，竟然被我搵到張生日卡寫上聖經入面我最喜歡的一句，於是便與帶我信主的好朋友分享，覺得特別有意義。如果朋友鍾意狗，我舊年又有送狗仔聖誕卡畀佢地……。但有時可能有反效果，舊年送了一套裝油鹽等的用具畀另一位朋友時，好似買得唔係好好。

至於最近，便送左本相簿畀一位朋友，我將同佢出去玩時影過的相，在眾多相片中很嚴格地抽了其中的一百張晒了出來，然後放係相簿送畀佢，見到收到禮物的朋友鍾意，自己梗係開心。

Facebook真係幾犀利，突然有個十幾年無見的舊同學invite我，好像有一位遠方的好朋友來了探我，而佢最新留言的一句，竟然就係：神的恩典夠你用!!!!很感動。巧合地那日朋友也提醒我要返教會，無錯，呢排掛住玩，的確又遠離了神。點解，會對我特別眷顧，在迷失中指引我。

好感謝舊同學介紹了一首歌畀我：
http://www.youtube.com/watch?v=gkg2PSuG6LE&feature=related

《你的恩典夠我用》

我的恩典夠你用的，我的恩典夠你用的，
因為我的能力，是在人的軟弱上，顯得完全，顯得完全，
你的恩典夠我用的，你的恩典夠我用的，
因為主的能力，是在人的軟弱上，顯得完全，顯得完全，
所以我要單單誇我的軟弱，好叫基督的能力覆庇我，
何時我軟弱，何時我就得剛強，
喔！主的恩手，永不離開我。

上星期五，去同事屋企打牌，竟然開了兩台，又有些同事打機，原本打算早些走，最後也要捱到７點幾。離開後，返到北角時，有朋友打電話約我食早餐，雖然好累，但都好開心地赴約。最後近中午１２點先返到屋企睡，哈哈！

早前有朋友叫我一定要睇黎姿結婚時的一段獨白，當中提到事事包容同責任感，朋友話睇完便想起我，因為佢話好適合來形容我。好感謝你!