婚禮

生果ada同日月joe結婚，兩個我都識，哈哈!

第一次去全幢咁高都屬於教會的大廈，要出動保安係大堂分流搭電梯，好犀利!

婚禮的地方係18樓，搭電梯時，已有都係去觀禮的明報舊同事叫我。一出電梯見到阿joe，我第一句就係「恭喜晒，好耐無見!」

好感動，當新郎哥讀出送畀佢爸爸的信時，第三、四句時我的眼淚已流出來，我故意無拿出紙巾，因為怕後面的同事與我隔離的朋友見到，失禮晒!

賣樓之神趙國雄，同其他發展商代表及一班地產代理董事傾巢而出。我地笑言可以做華華頭條，因為長實同代理一齊棄守領峰，寧願銷情差，都係為去觀禮。

我好遠地同Bill哥哥打招呼，估唔到佢會專登走過來同我傾談，所以其中一樣我欣賞佢的，就係佢做到超高層都無架子，我要學習學習。

最後當然唔少得與蘋果同事及明報舊同事影大合照啦!