出了錯誤

今晚放工後老細罕有地打電話給我，原來我同佢在漫畫溝通上有些問題，達唔到佢的意思，最慘美術而家太懶，初稿我們有大更改，佢地都唔畫多次假的畀我睇就照畫，結果又出事。不過呢幾日overall工作上都ok。

今日見報，我同《經濟》的設計都一樣，我一返到公司，採主就即刻問我係唔係同《經濟》打籠通，除了大家都用V字內放A股即日先低後高的走勢圖，最慘係有二三十張外電相，大家都揀埋同一張，就算我早上睇《經濟》都覺得似，何況佢地。

由同事提議，又經過我的大力支持下，終於約到patsy搵了一個星期六一齊食。由於P提供了一隻３３０３令我們三人賺了錢，有同事便話請佢食。雖然我是較高位買，只是賺了不多，但我卻極想請佢食報答佢，那日幸好得到佢無心插聊幾句的鼓勵，幫我在工作上重新振作起來，至少那些唔開心事都等到放工後先再唔開心。

我還記得那日是星期六的晚上，是復活節假期，那日我選擇了沒有去，反而能見了P，有事就是那麼奇怪，同佢其實只是見過３次面，估唔到反而佢能助我一把，第一次見是佢in我，第二次是我同阿權與May姐食宵夜時遇到佢，佢還邀請我一齊同佢D同事食，第三次就是上次去同事屋企玩。