估唔到的電話

星期五同美術阿頭又鬧了一場，但佢真係太懶，連漫畫每個人任何動作都要我諗，食甚麼又要我想，我忍唔住加一句：「咁顏色使唔使我指定埋」。

星期六見報又見到有錯，投資版宏安(1222)股價係2.07角，而非2.07仙。真係令人氣餒。明日見報我做那版又差些錯，內文同表記者都寫一手賣163伙，但少計了皇府山，其實係165伙。

連續三個星期都有返晚堂，但因為一些事，無同佢地食，所以好少人知道我有返，噚晚就人話已好耐無見到我，本來噚晚想同紹德講話唔食先走，但轉眼佢同其它組員已唔見了人。隔了幾十分鐘，估唔到娟同紹德打電話畀我，問我係邊，真係非常意外，我下次唔會咁無交帶。紹德還游說我返小組，因為我一向都無去。

跟住同最佳損友與Rocky食宵夜，但因為之前探完BB後，已同屋企人食得好飽，所以食量一般。在打邊爐期間，有位同事打電話畀我，大家八卦了一輪，佢向我透露一些10月會升降職同事的名單，雖然有些我都聽過，但有些卻很意外。