偷竊

今日chris打電話畀我，之後提到我好耐無返教會，係無錯，因為我渣，做唔切booking，原來好花時間，但我更偷竊了同神的時間。

以前好驚老細發火，而家反而鍾意，因為代表佢意志唔係咁消沉。今日美術向我兩次引述CG話如果漫畫唔係太重要就唔好畫，總之成個過程我覺得美術畀「陷阱」我，我於是打電話畀老細，輪到老細有火，我跟佢的指引搵採主向港聞報案，因為驚唔畫漫畫第二日鋤報鬧，估唔到港聞副總編輯同副社長講，跟住美術死死氣搵我發漫畫，但態度就好差。

但我自己都衰左，向噚日返工的同事交代得唔好，所以今日見報我之前做好的dummy差都爆，完全錯，但我估唔到主任見到唔對路，都唔打電話畀我問點解。老細就最憎同一個部組，溝通都唔好，上次出現重相就係被老細咁鬧。

隨住老細透露呢份工用了佢好多時間，以後想多D時間陪屋企人，令佢的辭職傳聞急升溫，我地幾位同事傾過，如果老細唔做，我地都會辭職，因為已無一個有才能的人值得我地留低。

最佳損友最近養左隻貓，只有七八個星期大，因為佢細佬係街邊拾到。但迪迪超級貪玩，好得意，我同佢玩左好耐。不過，福福成日吠佢，仲經常監視迪迪，福福無端端搞到自己好忙。