怪錯左

上星期五同星期一除了要編第一版，仲要留低睇車頭紙，咁我都交足功課，兩晚我都睇到有野錯，跟住就去改，但而家就要較以前再遲D走。

阿女麻成日無端端搞到廚房同浴室「大水浸」，那時我還住在舊屋，經常要善後，清洗地板，但上星期六那日我卻怪錯左佢。那日阿媽同阿爸夜晚出街，我睇住阿女麻，結果我發現水浸了兩次，成地板都係水。到最後最後我先發覺唔係好妥，查清楚後，原來係搵舅母的菲傭來幫手大掃除時，佢扭錯了洗手盆下面的水擎，結果係一洗手，水就會漏出來。

星期日約了幾位同事12點在油塘集合去行山。點知12點03分同事打電話畀我時，我先醒，同事話等埋我，但我都要12點45分左右先去到。全程我都好不惦，成日要休息，經常要同事等我，拖慢晒行程，睇要做多D運動先得。