賭神再現

由於唔係我收版，我只係有時留低睇車頭紙，噚晚老細叫我睇下，我就留低啦，估唔到好戲連場。首先我睇到華華版caption錯人名，夏佳理寫錯左夏佳里，後來我又睇到華華版另一個caption錯左右。港聞個邊同老細講：「你一定要警告個編輯」。

但好戲在後頭，我上左公司車，睇睇下發覺B2有條題，竟然將股神寫左賭神，我嚇左一跳，打電話畀ta姐想問清楚，因為佢管國金版，但打唔通，我唯有睇一次內文，睇下佢地係唔係想玩賭神個point，但全篇文都無寫，於是打電話畀老細。老細見到係我打來，我估都知死，呢個時間佢應該驚左我，我講左後，佢都嚇親。隔左兩分鐘，佢聲線好似死左咁問我：「仲有無錯」。