《願你恩手領著我 》

老細唔係到，我做到好氣餒，我做左起題機器。最慘沖完版我發現有幾個錯，我估我太倦，就算其中一個係大錯，我都無去改。

星期四in人，約左4點，點知佢早到，我本來搵左ta姐陪我，但佢未返，唯有單拖去，Mol姐見我咁緊張，話我都唔知而家係我in人，定係我去見工。我帶左佢去canteen飲野，我就由一位教佢新聞學、又同我亦師亦友的森哥帶起話題。隔左15分鐘ta姐蒲頭，佢問的梗係好過我好多啦。

我就覺得呢個新人都ok，但點知同老細講時，覺得佢縮左，仲話要再搞個written test，今日有同事話老細好似有新安排先會咁，後來同事都畀左個好好的建議。

之前去左Patsy屋企，探病、打牌兼打wii。佢話有樣野咁耐以來好想親口問我，點解兩年幾前見左工後，最後我都無去做，佢話事後有人向高層匯報時亂咁講，但佢唔信，原來佢一早已幫我護航左，但佢都想知整個過程的來龍去脈。

上個星期五我邀請舊採主入房開會，因為我怕我主持唔掂個會，搵多個人傍住，雖然只係一陣，點知原來害左佢，我知道後就同佢道歉，雖然佢話唔關我事，佢話係佢唔知道台灣要mark時間，但我點會唔知其實係我錯。噚日我梗係醒水，我自己主持番個會。

阿爸話祖母經過上次那一跌，傷左條腰，已經行唔到，自己去唔到洗手間，今個星期六會送佢去老人院。我想番有一日朝早阿爸突然叫醒我簽個名，我無睇任何一個字，係床度簽左再睡過，那張應該係送祖母去老人院的紙。

覺得呢首歌《願你恩手領著我 》好聽：
http://www.youtube.com/watch?v=R0U0kHNZ7DQ