恩典

星期五中午約了一位好friend的中學同學食飯，突然佢話我欠佢一餐，我仍想不到點解，佢跟住話我忘記左佢10月底的生日，oh。點解會咁?以前年年佢生日我都會打電話賀佢，仲會請佢食野或者買禮物畀佢，點解今年會唔記得，上個星期佢打電話來，我都未記起。反而10月初我仲記得佢快生日。

食完野仲未夠鐘返工，於是周圍逛下，見到幢半圓形的大廈，覺得幾得意就影左佢，跟住走去附近的教堂，入面原來有人做緊崇拜。我坐左3、4個字左右。

用緊公司電腦時，突然覺得有位新記者名字好熟，其實佢已來了兩星期左右，好似就係我幾個月前in過那位，我覺得ok，但後來因為無quota而無得請，可能in的期間我有意無意間表達出我會請佢，令到佢仲問我幾時可以返工，於是我覺得好抱歉。

後來我靜靜雞示意老細愛將過來問下，老細愛將玩野。
老細愛將：嘉儀，你睇下呢個哥哥，妳認唔認得佢?
但好彩，佢話唔認得。

夜晚放工去左唱K，我同TA姐請一眾同事，因為我地升左職。估唔到投資版阿頭同秘書都有來，投資版阿頭的歌藝好評如潮，個個讚好，我都係第一次聽佢唱歌，最衰我要等車頭紙被迫要遲去，聽少左佢唱。

今次唱K，如果我地可以出示與地產界有關的卡片，人頭費有八折。地產版將美聯一位公關經理的卡片畀左我，就係BoBo，我係舊公司都同佢做過同事，哈哈。

臨離開公司去唱K前，老細終於揭盅。我跳左兩級，升左做主任，遲D我仲會有卡片。