掛住BB

有BB相睇啊，但我仲未去睇BB，因為媽咪話探BB時間係下午５點至８點，正係我的返工時間，今日星期六就應該去到啦！舅母佢地都好似已經去睇了，我變成大落後添，BB我來啦。

第一次收到細佬在內地公幹寄來的明信片，很意外。我們三兄弟，我同細佬最熟，我會同佢傾電話，我同佢又鍾意股票，佢間中又會彈D貼士來，但好多時唔跟的就升，跟了就跌，好邪！

我排中間，好多人話我同我的性格好似，易被忽略，所以會內向、好少出聲、最不起眼。尤其而家更是黯淡無光，我連玩了成近９年、最鍾意玩的窩輪都無興趣玩。而家改玩風險較低的細價股，戰績其實都不錯，但升得勁的大部分都係靠朋友的貼士。我記得第一隻我玩的股票就是細價股，但超級慘敗收場。

我曾經持有過十幾萬元的窩輪，我都未驚過，經常每日上落成萬元，但而家我已失去了那份的aggressive同courage。雖然窩輪我曾經都輸好多，但都有幾次令我難忘的戰績：在９８年８月政府入市之前那晚，美股大瀉，我就持有兩隻美股put輪；９１１之前兩三日，我又買了兩隻美股put輪；去年持有港交所輪，曾經因為高盛調高評級至６５元，港交所單日急升幾元……。那時，在明報Liam好多時都同我傾窩輪。Liam如果你未走，佢地就唔使咁煩要搵人寫窩輪啦！

而家開會，如果老細係到，就會經常向我「問書」，星期四老細趕到入來開會，問我H指跌唔少，因為邊D股票？湯臣今日股價係唔係大跌？好彩我都答到，第一條答中資銀行股跌，工行同中行等都跌；湯臣那條好彩開會前在infocast看到一句話湯臣股價先跌後回穩，於是又答到，因為股神A話如果湯臣繼續大跌先做大。

很多謝一位同事講，將我調高到在公司裏同佢係最friend，你令我想起中學時一件事情。當時有位同學與我friend，有另一位同學應同佢最friend，遠拋離我，便問佢，邊個同佢friend D，佢竟然揀了我。但後來佢同我疏遠了，我沒有去深究點解，只是有日打電話畀我，話係佢錯，但之後照樣很少聯絡。去年中左右，我有件很重要的難題令我失眠，極少人知，但我想起了佢，我覺得佢一定或多或少可幫到我，於是很罕有地同佢傾電話，最後真的令我開竅極多，之後便可睡到。今年難題更大，我又想起了佢，但今次沒有同佢傾，可能我怕佢知道原來我問題那麼深同多。兩年前左右佢結婚時，我當然有出席，除了請飲那場，我還去了下午的教堂，那時去的同班同學加埋我只有３個，佢見到我，第一句很開心地說「咁先係friend麻」，我估佢無想過下午我也會去。之前那位問我借錢的中學同學，也是曾經同我好friend好friend。有另一位朋友說，朋友有入有出，與人曾經friend過已經很好。可能係，因為一段曾經很friend那麼美好的回憶可以隨時被你call back。同呢位朋友也是很奇怪，不是你上次講，我都唔記得原來你入明報兩個月左右，我便已辭了職，但估唔到而家反而有不少聯絡。我本來還想寫下去，但我真的累了。