又睇畫

今日與一位同事去了睇畫，今次我最想反而是去看唐太宗見西域使者那幅。明代那幅清明上河圖雖然都很靚，但與真品有距離，畫得無咁細微，顏色太多又花。今次真係好，少好多人看，有些畫只寥寥兩三人睇，睇得舒服，唔使迫。

原來呢位同事學過下畫，佢應該識欣賞過我，佢唔係我的「飯友」，以前主要係返工、坐公司車遇到時，傾談過，經過今日之後，大家認識多了，我也講了以前一些在舊公司的事。

由於要早起去睇畫，噚晚3點已上床睡，以為實夠睡，但後來冬姐打電話來，傾到5點多。

以前阿爸那隻中海集運今日竟然逆市創新高，好彩之前已講賣了，如果唔係我就慘。今日我只有一隻強勢股2312逆市升。在近期大跌市下，RSI反而逾82。我睇基本分析，更鍾意技術分析，雖然也有人覺得唔準，包括周日一位大學同學講林森池都話唔靠技術分析，但最重要係適合自己，條條大路通羅馬。

被老細捉住傾股票，只可以搭1：30班公司車，破晒我的紀錄。