貼士又錯

今朝１１點幾老細打電話畀我，話我聽１５５注資會延遲到８月先進行，因為我之前聽佢講買了，佢話同我講先，我可以走，費時佢出貨時推跌個價，咁即係走啦！又一證明，跟佢買就會輸，佢就賺大錢，跟我自己仲好，但佢不時都教識我好多，同給了我一些炒股靈感。我對佢叫我走先，佢再沽呢件事都幾appreciate，如果係我，我都會咁做，玩股票都可以睇到人的品格，都無謂貪個小小。同埋佢之前有一句，我都幾贊同，佢話股市係有脈膊，我地要先去感應。

跟住又係約了阿安，拖了成個半月又要見番佢，又係３個圈我一個，但今日我估佢地都幾知道我的立場，我拒絕入會、又唔肯買一張９００元兩日的講座門票。不過，我估佢地都仲會約多我一次。

BB仲未出得院，全日要照燈，好似話佢太黃，話一唔照，指數就會即刻上升，而家連我地都唔畀去，只可以阿哥阿嫂去探佢，仲每日只可以３個鐘，BB無人陪，會唔會好寂寞。

晚上我請屋企人去旋轉餐廳食自助餐，我都係食好多甜品，好鍾意，哈哈。真係識旋轉，個景好靚。可以與屋企人去食，好好。席間我插細佬，因為佢之前介紹了隻衰股票畀我，但只怪我佢介紹了很多隻好股，但我偏偏買中隻差的。始終都係１７樓股神最好，佢講那隻呢幾個月真係輾轉上升，雖然我都經歷過佢幾次震倉狂跌，但我未止賺過，我對股神都係有份「信任」，佢講過，如果佢沽就會同我講。 呢次對我有些意義，是雪中送炭，當我輸了很多錢，又失意時，佢就搵我，助我賺番那筆錢。

唔知點答阿冬，所以最後都無打電話畀佢。MSN add了舊編輯同事steven，下次可以同佢多D聯絡。