提早返工

睇來以後我要準時4點或更早返工，因為而家老細好似每日都會在4點左右叫我同幾位同事上canteen食下午茶傾大市，昨日我遲15分鐘返工，有同事便打電話畀我，叫我返到公司就上canteen。但咁樣就令到我更難係公司有時間寫blog，而且去canteen前又要睇了個大市先，咁可能又要再提早返公司睇。

周二細價股大跌，我見早上1224升，於是又減持了1/3，作價8.45元，之後已經好後悔，同老細食下午茶時，老細：「唔駛掛，你連愛股都賣!」，另一同事也反對我賣愛股。於是昨日除了買中交輪，我又高價8.61元追回1224，好低能。

昨日同事又講起我的排版員阿勇，話好難相處，唔出聲，有同事更話以前差些同佢鬧大交，佢地都話只有我先同佢相處到。同事話佢以前是港聞版的美術主任，但因為性格問題，而家變了卒仔。佢需要一個伯樂，因為佢做事真係快靚正，真係好可惜。但我就同美術阿頭相處唔到，差唔多日日我地兩個都在鬥嘴，好煩。

我呢幾日情緒低落番晒。……我好想更多經歷主的愛。

多謝最佳損友的蛋糕，好多同事見我同佢熟，都問我來蘋果前係唔係已經識佢，周一avy都問我：「你地係唔係在明報已識得」。