老細 V.S 美術阿頭

由於老細坐正了一年，已操控了大局，最近不斷有大動作，同開始發威。佢的連串動作同計劃我就唔寫在blog啦，我只想講那位我唔鍾意的財經組美術阿頭M，最近約一個星期老細至少同佢兩次開火。

有次開會M借佢上司向老細投訴，話我地的漫畫交得遲，C.G.好大壓力，老細於是鬧番M，話以前我地好多版都有漫畫，而家已經cut了好多，而且本身畫出來的都有好大問題，成日同之前的構思都有好大出入，所以先要改來改去，如果佢地畫得好，根本可以慳番好多時間，M多次反駁都被老細話番轉頭。其實我覺得其中一個問題係M收料後，講錯了我地的構思畀C.G.聽，因為有次畫錯了，我又見M去食飯，於是由另一位美術同事帶我見C.G.，佢話M唔係咁同我地講。另一個問題的確都遲，所以而家有時我見老細行開好長時間，我便自己決定要改的地方，跟住叫C.G畫了先。

噚日開會度漫畫，大家傾好後(中途M當然無發表過意見)，老細問M係唔係ok，點知M話catch唔到，老細好詑異地話：「又catch唔到?」，跟住又要我們好詳細地講一次，任何地方都要我地好詳細地講埋。出來後，老細叫我跟緊D，怕畫出來後都會有問題，我跟住講：佢話catch唔到，其實係要我地所有都要度埋。老細話：你估我唔知，佢都唔帶腦返工。