一周回顧

去左西貢探貓B迪，落車後行左一陣就去到間村屋，新主人用番迪迪呢個名，貓B迪有好多伴，因為新主人養左5隻貓。迪迪已經好大隻，而且仍然咁靚仔，但佢唔睬我地，會唔會嬲左我地唔要佢，定係唔認得我地呢?新主人話迪迪好乖又靚，遲D會帶佢做貓醫生。

然後去左一間集二手書店、CD、精品店等等於一身的店舖，我覺得好舒服同好靚，價錢又唔貴，跟住係西貢食埋晚飯，同去滿記食糖水，勁多人。

由於上次去迪士尼時upgrade左做全年票，所以上星期五又同朋友去左玩，小小世界新開張，梗係要去下。

去探祖母時，第一次親眼見到職員幫佢縛住身同手，完全無郁動空間，好難過。同阿爸商量可唔可以縛少一隻手，阿爸反問番我咁有無其他辦法，我又答唔到。

上個星期出左大事，只怪無相信自己的判斷。噚日係地鐵度睇到《羅馬書》的一句，提醒要做一個卑微的人。

最近好多同事病左，最佳損友漏夜入左醫院，問題少女都病埋。

有日組員chris突然打電話來搵我幫手，我第二日已經搞惦。