亡命巴士

上星期五單拖去中環LV幫冬姐買野，冬姐本來話買兩樣野，但臨時加碼買多兩條絲巾，因為我唔識，對我來講有D複雜，multi-colour長絲巾，1150蚊那款，黑白色都要。最後我都完成任務，用了近萬元，跟住就去左油麻地會合同交收。

星期六同朋友去左韓和食野後，去了VCD舖，最後買了《天蠶變》，好老餅。以前讀書時，係暑假亞視有時會播呢套劇集，我覺得好好睇，我已經十幾年未睇過。

亡命小巴就聽得多，前晚我坐上亡命巴士，估唔到巴士咁大架，都可以開得咁快，車速分分鐘快過亡命小巴，本來架巴士一向2：52先到，但噚晚2：47就可以上到車，相差的5分鐘就係開快左的時間。而今晚搭個架已回復正常車速，坐都坐得安心D。