香港真係細

呢間係我返的教會，雖然少去。

有晚返屋企見到樓下拍緊戲，仲有落人造雨，但我影唔到。

同事水根哥係君悅舉行大學畢業禮，去了同佢影相；另一位也有去影相的同事kelvin，突然話佢係我的師弟，原來大家讀同一間中學，跟住大家講番中學時的事/老師：我被Miss Ng罰打過手板，佢就要扭耳仔；佢話佢中一考第４０名左右，接近要降班；我又同佢講我中五Bio最低試過７分，被黃太勸我會考唔好考呢課；原來蕭sir同時做過我同佢中一時的班主任；仲有講Miss Poon、蘇sir等的事。阿爸幾日前又話，係護人院，遇到教中學時的同事，原來佢親戚都住係同一間。(註：阿爸當年教的，同我讀的都係同一間中學)

同一日，係屋苑入口遇到舊公司同事，原來佢最近搬了來，大家竟然做了鄰居，大家寒喧了一陣。

老細放了９日假，佢一反傳統，無返過公司，連電話都無個，失縱左?。呢段艱難時期，覺得表現都算ok，但臨尾香，個頭版頭條有問題，我收到稿嚇左一跳，我知死硬，但已11點幾，當時我仲hold住幾段稿要改題，你叫我有物野辦法，我已經做左畫版同起題機器，又要睇住沖版時間，我邊度可以騰出時間重寫整段稿。我覺得我呢個位真係狽鑊位，因為最後要我簽大紙，我一簽即代表我收貨，所以基本上任何錯都關我事，例如揀左唔適合的頭條、應該做頭條最後做細、記者寫錯……原來呢D我都要負好大責任，至於錯左題等，咁呢個當然關我事啦。我的責任太重啦!