貪睡的BB

BB突然可以出院，但其實是剛剛夠出院的分數，遲些仍有機會要返入去。今日去探佢，阿哥話佢全日只顧住睡，只飲了小小的奶，咁佢會好肚餓鍋，我地搞盡方法想弄醒佢去飲奶，他只開了一隻眼不久便又睡了。今日無影佢的貪睡相，上面那張是佢出世第３日，我去探佢時影的。

跟住晚上與同事及Patsy食飯，裝酒那個儀器幾得意，她第一句還是問我適應新工作未。她說佢在公司的工作表現是A-，但加的人工below average。其實我在明報都是拿A-，我記得第一年入明報已經是A-，那年編輯部三百多人只有十個人拿已是最高的A-，其中一個便是我，哈哈，之後那幾年便無公布幾多個拿A-了。

阿爸突然叫我周一賣1隻股票，但阿爸唔記得之前在低位時已叫我賣了，而家股價成５元以上，但之前賣出價只約２元。因為阿爸已退休，未來需要多些錢，而且我一直又無為他做過甚麼，所以無講出真相，但差價超過３萬元，幸好去年阿爸送了隻用我名登記的一手股票深圳中航畀我，當時只是值３、４千元，但因為最近細價股熱炒，現已值1.3萬元。打算撥一筆錢，專去賺回剩下約２萬元、還有借畀朋友的３萬元，呢兩筆壞帳好麻煩，但自己很多時都睡不好，唔想花太多時間勁玩股票住，慢慢來吧。