轉變

同事約８月初去洲際酒店食自助餐，因為有位同事可問朋友借張七折卡，話星期六日好滿，之前已預訂，但最快到要８月才有位，很誇張，但佢地話去過那麼多間，洲際是最好食。我就打算向同事借張七折卡，請屋企人去食。因為eva很好的提點，又加上外婆的事，我想對屋企人更好些，例如請他們食好的，阿爸賣股那件事，我肯咁蝕底硬食，我想就是呢幾個月轉變的結果，是好的。

另一樣轉變之前已講過，就是已極少買輪，想休息多些，可能投資心態健康了，但另一面又覺得自己喪失了鬥志。以前可能想每月靠投資賺幾千至幾萬元以上，而家只要賺二三千已很滿足，現在聽到其他人賺好多，也沒有甚麼感覺。不過，呢幾個月玩細價股，發覺原來佢地都可以升好多，但我都覺得窩輪易玩些，只要留意十多二十隻大價股已可以，玩正股就要係千幾隻股票中選擇。

唔知係唔係當人最唔開心、絕望到要死時，主越能打動人，雖然我仍然對信仰有一些重要的問題/疑問，但呢個月同主的距離接近了好多。正如阿冬講佢之前好唔開心時，都好想去信主。