失魂

今日返到公司才醒起未入抽新股中國傳動的支票錢，但今日是截飛日，打電話問銀行的九龍灣分行，因為那分行是我一直幫襯開買股票的，職員都認得我把聲，以前一位大學同學在那分行做，所以搵我開戶口。職員話無問題，會幫我通知支票部，但要我明日入番錢。後來職員打回電話畀我，話唔得，因為我的支票戶口是北角分行開的，要我聯絡該分行，但那分行卻拒絕我的要求，點解兩間分行會有唔同的做法，一間話得，一間又話唔得。明早我會立即去入錢，試下仲有無得救，因為朋友話十點前入其實都ok。

上周六向阿爸講已「賣」了股票，佢反而好詫異，又是失憶吧，又係唔記得係佢叫我「賣」。當我話將錢畀番佢，跟住佢仲要話D錢繼續放我處，跟我一齊投資窩輪，唔好掛，我已好少買輪啦，但佢遲些先拿番都好，至少我有多些時間賺回D錢。為了追回那３萬元差價，買了太航同新華文軒，其中兩萬元真的是幾個月前阿爸叫我沽貨套現的，而家我再加D錢落去，如果唔係，點買到兩隻。買太航係因為阿爸那隻叫中海集運，兩隻都做航運，專登亂來。其實買輪會較易賺回那差價，但我睇得上眼的玖龍同招商局暫時都幾貴。

去探BB，發覺佢睡覺時，出現兩次類似被嚇襯的動作，雙手突然舉起，然後向後狂震一下。阿哥話佢都見過很多次，唔同佢發惡夢。