一醉解千愁

星期五晚收工前，老細同我與採主又講番之前我無落攝影部影的相、反而用了外電相，結果被人插的事，估唔到老細反而話那日本來想反駁攝影阿頭，去影了又唔通知我地，又覺得佢地唔知道我地的運作，但因為那位阿頭經驗很豐富，所以無講到。聽採主講番，原來攝影阿頭在80年代當戴妃來香港時，被佢獨家影到游早泳的相而出名。

噚晚紹德送我去搭車前，請我去7-11買啤酒飲，由於我酒量淺，搭車時發覺自己wing wing地，兩三個字後朋友打電話同我商量旅行的事，同事又打來問我工作的事，雖然我好正常地傾到，但覺得自己在另一個狀態，塊臉紅晒，隔了三個鐘頭後才消失。我覺得自己若果再飲多兩支，可能更加有一醉解千愁的感覺。

我一定要更加去學習忍耐和謙卑。

上星期有日收工後，去同一早已放了工的最佳損友食宵夜。雖然我只來了半年有多，可以同最佳損友咁熟，除了因為大家會互相出賣、「無義氣」外，最重要係可以好舒服地互相同對方甚麼都講，唔需要隱瞞，信得過對方。你話係唔係?