心痛

人手不足又無人教新人，越來越發覺舊公司勁跌watt，而蘋果財經版亦有自己的問題，老細又向我講不滿。至於我，與以前在舊公司相比，我都變得差及馬虎了。昨日打開舊公司的B疊，又是慘不忍睹，連以前坐係我隔離、我已經常教的santa，都睇得出佢無心機。見到咁好唔開心，因為我對舊巢仍然有感情，話晒做了咁多年。同santa講電話時，我就勁鬧佢，佢那版係長和業績，再加一段美股，全版搵唔到二條，除了大題，其他D題都勁細，連長實業績都係25point或以下，美股條題成14隻字，其實可以短D。原來佢那日除了做一個全版新聞，仲要做兩個全版睇樓guide，怪不得會咁，佢都承認完全無士氣。至於地產版，頭條大題下有篇稿，條題只有18point或以下，咁都出得街，成條簡訊題，我同santa都覺得而家根本無人教新人點做，咁佢地又點識呢。至於大細相，都唔好要求有。

就算蘋果，老細呢個星期先同我講，D新聞版面好唔惦。其實一早已有問題啦，尤其而家業績期，更加睇得出，有日我見到兩個對版的版面完全係一樣，都係將人相做勁大，加業績表及股價表，組成一個正方形，最近D版張張都係人相，但我費時講，無謂多事。星期四我做工行業績，我故意將人相做細，反而拿了張門面相套個股價圖做大D，老細即刻好開心，向我講：「我成日都話唔好將人頭相做大啦」。但係我已差了好多，自己睇得出。

昨晚約了朋友出來傾旅行的事，但因為大家都沒有甚麼準備，於是只是食同吹水。跟住去了銅鑼灣惠康，走時遇到同事anthony，於是同佢一齊行返去北角。

今日遲些最佳損友會陪我去買首飾送給媽咪，咁來以來很慚愧地都沒有甚麼正式買禮物給父母，以前只是請佢地食下飯，或者他們買東西，我簽卡付錢。沒有一年前開始的唔開心，至到外婆出事，我又未必學得懂，係唔係就是主係我身上在動工呢?好想變得對父母更好。跟住會請最佳損友同Rocky去食自助餐，本來呢餐之前係話如果我可以升職而請的，雖然近期已無法升職住，但最佳損友一直都在幫我，不論升職與否，我都應該請佢的。

一間公司，如果佢已連年蝕錢，今年又要大撇帳，究竟呢個公司又有甚麼價值呢。

雖然老細講了很多隻股票畀我，但我昨日只繼續增持1224，呢隻股票帶畀我好多回憶。

最近在搬東西去新屋時，收拾間發現了一張很有共鳴的書籤，唔記得是人地送定係自己買的，是這樣寫：「此時此刻，想告訴你 有些朋友，是永遠忘不了的…」

有很多想寫，但要準備出門，唔再寫啦!