老細的秘密

今日同我的排版員傾計，先知到佢都好熟股票，仲識窩輪，仲同我傾引伸波幅，佢話玩過指數窩輪，覺得窩輪唔抵玩，佢又有個人的心得。

老細係房同我傾，佢話講秘密畀我聽，叫我唔好講出去，好詳細地同我講未來的人手同坐位安排，例如兩位主任未來的工作去向、編新聞版的人手部署、我同一些編輯及即將會來的新人的未來工作、整頓部組的先後次序、對個別同事的評價。又同我講遲些邊個會坐係我隔離，又話而家都繼續in緊人，包括編輯。而我估應該唔會咁快升職住，因為佢話4月一向是升職的最好時間，10月都可以，但好少，佢想繼續講之際，點知美術阿頭入了來阻住，跟住老細唔記得再講升職件事，講了其他。