調動

最後都抽唔到隻中國傳動，支票D錢無過數，哈哈，最重要那隻先無得抽，仲要今日特登勁早起身去銀行博一博。

今日主任有駕車，放工時載我到屋企樓下，所以好快返到屋企，好開心。

工作調動開始有些眉目，同事向我透露，一如所料，我係要寫專題，而樓盤直擊可能我就唔使做。講開樓盤直擊，呢個星期有些慘，本來接近做好了一版，但後來我發現個樓盤，係兩個幾星期前出過，單位就一個係6A，另一個係6B，張大相有９５％一樣，次大相同條題亦近乎一樣，我起「２０呎闊窗賞靚景」，那日就係「２５呎大窗擁靚景」，結果要換過另一個樓盤，所做的工夫前功盡廢。

老細今日推介神州醫療，話超高風險，all or nothing。之前報道話洽購柬埔寨森林權益，老細今日講原來係柬埔寨政府打算入主呢間公司，好有概念鍋，話用幾千萬港元，買幾千萬美元的林木業務，但佢話最大風險係洽購不成功。