滿足

支票D錢終於過了數，很滿足，就算最後抽不中已沒有所謂，因為我為了呢件事，用了時間打電話畀銀行補鑊同早起身，而最後真的有回報（有得抽），這已經很足夠，都係第一次見到自己戶口唔見了咁多錢而開心。

老細今日建議不如以後玩下版面，從經一開始，佢終於發覺玩版面好過畫漫畫？但其實今日以及之前有次積木的構思同layout，我都覺得還須改善，但奈何我又一時之間想不到更好的，唯有跟佢地的意見。不過，我同老細講一向經一的字數都好多，就算D相都係好細張，點玩版面呢，佢就叫我放心cut文，係唔係先，不過據我呢幾個月的觀察，佢好似又真係肯畀頭版編輯較大權力。

咁我之後的新挑戰會唔會太多，又要我玩版面，又要我用部分時間轉型寫專題，好難兼顧鍋。

收到一封email，話７月有個「上帝與窩輪」的研討會，以前聽舊同事liam講過，基督教唔鼓勵投機，即唔鼓勵玩窩輪啦。咁我而家玩窩輪劇減，同時又信多了主，兩者是否又有關係，是一個巧合，或是一個安排。