支持

今日約了舊編輯同事去藍灣食飯，冬姐先來北角載我，在東區走廊上，見到胡錦濤一大班的車隊，又有好多警車開路。上次在MSN冬姐狂震及質問我，本來應承見面時會講，但今日佢無問，我就無答啦，我想她是明白的。

將上帝與窩輪呢條問題問Bill，佢答了部分的疑問。記得去年有日當我在坐位工作時，Bill無聲無色地走到我的隔離，突然講「不如跟我返教會」，嚇了我一跳，但我無應承佢。最後佢講了一句：「我一直都好留意你的情況」，令我好感動。 阿Bill是我一位很尊敬和鍾意的上司。

最近聽過一個人講，人要去學習失敗，如果唔係，當有重大挫折時，便不懂處理。我想我也是吧。

昨日覺得自己在老細面前失言，當我察覺佢對昨日所定的頭條有不滿時，我便向他解釋開會的情況，但後來覺得自己出賣了編主同採主，我後悔。

今日收到你SMS時，我第一時間想到其實你係唔係send錯了畀我。我當然想，但我知這是不可以的。衷心希望你快些雨過天晴，雖然我沒有甚麼可以做到去幫你，但我會默默支持你。