最後的一晚

因為阿媽唔畀我養，在平安夜那日送了貓B迪畀人。之前那晚收工後，Ta姐專登駕車載我到最佳損友屋企睇佢，貓B迪好可愛，我地都唔捨得佢。那晚大部份時間都放貓B迪出來玩，可能因為最佳損友同福福講了貓B迪就快走，那晚少了打鬥，福福又唔反抗，全程捱打。

聽最佳損友講，抱迪迪落樓時，迪迪極力反抗，抓傷了佢多處，之前都未試過咁，唔知迪迪係唔係唔捨得走呢?對迪迪來講，平安夜好似變得不平安。

最佳損友話見到我那晚雙眼紅了，但係點知佢比我更加不濟!

我唔會唔記得曾經抱佢、餵過佢、同佢玩過架。希望新主人對佢會好好，同埋希望下次有機會去西貢探迪迪就好!

遺憾

雖然帶了相機幾日，但總唔記得同冬姐企係蘋果logo前影相，但冬姐噚日已last day了。由於老細噚日放假，之前那晚冬姐便搵機會同老細傾談，我等埋佢，但到接近凌晨4點先離開公司，本來3點多已可走人，冬姐跟住話唔記得同老細講bye bye，但一等又再等了佢近45分鐘。

正如冬姐所講，噚日對我同佢都好特別，因為大家離開明報後，噚日係再一次佢編頭版、我睇佢的版。因為老細同主任都放假，噚日係我第一次係蘋果睇版，便可以係冬姐last day日咁樣再一次合作，真係十分難得。

不過，係明報同係呢度睇版，感覺好唔同，可能噚日係第一次掛。

呢排病左，而且咳得越來越厲害，今日終於頂唔住去睇醫生。

幾日前看了阿權的blog，雖然那只是我小小的心意，估唔到佢可以寫得咁感人，我都好多謝佢。

BB同我爭房

由於大嫂打算炒左個菲傭，而佢平日又要返工，BB可能暫時要搬到我地呢邊，由我地照顧，到時我應該要搬回舊屋，Luca仔就會霸左我間房，但我亦可以方便睇BB。

最佳損友D街坊問，我係唔係佢細佬，哈哈!

回來香港後，都未買賣過股票，因為未睇清楚形勢，一動不如一靜。

深觸我心

懷著感恩的心情出發，所以特別開心，從完全無想過的可以去、有人肯一齊去、最初因自己問題而擔心的事又沒有出現，一切都係恩典，好像發夢一樣，好感動。回來後同Bill哥哥講，今次之行對主有強烈的感覺。年半前開始間中返教會後，的確發生了好多奇妙的事，覺得主在抽絲剝繭地幫我，有些事情的timing好巧合，真係解釋唔到。

今次之行另一得著，係原來唔跟旅行團，自己plan行程去旅行，我都ok，又唔怕鬼佬，好快識得搭地鐵，認路方面勉強亦可以，所以今次對自己有好多新發現。

連續兩晚去探最佳損友， 第一晚我一入屋，已見佢變了隻「爛瞓豬」，原來佢屋企養多左隻「動物」。貓B迪變大隻左，而家間中會放佢落地，但福福就全程同佢打架，搞佢地唔掂。

老細對我的appraisal有88/100分，我估應該算好高分。來了蘋果後，花了半年時間適應，終於開始有成果。