恭喜

老細生日一向都由老細愛將買蛋糕同佢慶祝，但呢排佢放左假，我仲以為今次由秘書負責，點知我臨出門、著緊鞋時秘書打電話畀我，要我買兩個天使蛋糕返來，但我竟然唔知係物野，於是搵左位同事幫手買同拿。
今次我估係打破慣例，唔係由女同事買生日蛋糕畀老細，反而係我，哈哈。

一位好熟的大學同學Mike結婚，梗係要去飲啦，６點係酒樓註冊，８點幾已入席，１０點４５分已可走人，第一次咁早走。

兩日假期

與朋友去了睇《怪人二十面相傳》，雖然蘋果的影評分數不高，但我自己就覺得幾好睇，題材吸引我，而且我對松隆子同金城武的印像一向都算positive，加上有時正邪兩角鬥智鬥力的情景幾好睇。

我的生活可以好簡單。唔知點解，同好多上了年紀的人一樣，愛逛公園，尤其鍾意亭台樓閣。

第一次去屏山，但由於去到已６時左右， 供參觀的地方都已關上門，唯有下次再去，但總算都去過。反而印像較深刻，係一個迷你式小花園，雖然面積極小，但我覺得佈置得很靚。最後同朋友去了元朗廣場醫肚。

屯門＋黃金海岸

去了屯門玩，自從幾年前搭過後，今次係第二次搭輕鐵。

雖然只係一間好普通的屋，但我覺得屋主有心思，油上1960。

呢間聖彼得堂，我覺得係香港其中一間外型上最吸引我的教堂之一。

跟住朋友帶我去黃金海岸玩，係我第一次去，間酒店好有渡假feel，我地係酒店入面食埋自助餐，價錢算平，每人300元有找，然後去左附近的酒吧。

《一百萬零一夜》

雖然老細之前一晚先通知我可以放假，但呢日都過得幾充實。

去左中環拿藥後，突然想去香港仔探阿權，雖然當時已經５點幾，而佢６點就會離開舖頭返工，但都想碰下運氣，就算探唔到都可以去附近的聖伯多祿堂睇下，因為未去過。

去到先知佢唔使返工，佢同May姐仲請我去數碼港睇《一百萬零一夜》，好好睇，有劇情、令人感動、部份情節又緊湊……

跟住請埋我去香港仔食晚飯！

我有幫最佳損友問候May姐，又同佢地講左出街friend的事，哈哈！

church

去了多間教堂，但大部份都無得入。

去了其中一間舊同事結婚時、我有去觀禮的教堂，但當時我未信主，所以無留意，今日就去番睇多次。

最後夜晚去番自己的教會，但我對今日的講題興趣唔大，所以有D想睡。

今日反而最大的收穫係買了一份很有意思的野，可以係日後送畀朋友。我看了一眼已經很喜歡，但無買，離開店舖後，由於經常想起，最後唯有折返去買。

打保齡

返工前與5個同事去了九展打保齡，我只係十年前打過一次。很好玩，打了兩局，雖然未試過破百分，但都試過兩次全中。

呢排老細病重，經常請病假，令到我的工作量同壓力都好大。昨日我本來係短週都要返工，睇了4個樓盤版同1個投資版後，已經9點幾，跟住要即刻搞新聞版，睇稿改題，做唔切，係咁趕餐死都未必有人知。 老細秘書同我講，我的補假已經爆左，但老細唔放我假都無辦法。

老細打算要我返星期六，但我唔想，被迫同佢講出星期六晚我有時會返教會，本來唔想被老細知，因為我覺得呢個係私隱，佢聽左後都有D詑異。

上個星期六，同最佳損友與奇奇去了康山那邊鋸扒，每人只係$29.8，但就唔包餐湯同餐飲，但我都覺得好抵食。

那晚返工後，第一次係觀塘搭小巴去荃灣會合朋友。朋友未到，我就周圍行，但迷了路，本來想行去地鐵站附近，點知反方向去了悅來坊，跟住唔知點解去了仁濟醫院。但那晚最後很開心地返屋企。