《我在這裡敬拜》

我又遲到，但總算趕得切聽到一首好好聽的歌：我在這裡敬拜。
http://blog.xuite.net/someone406/jesusislord/3408095

《我在這裡敬拜》

神你是光
你照亮了黑暗
開我眼讓我看見
你的榮美
讓我心渴慕你
希望與你不分離

所以我在這裡敬拜
屈膝向你跪拜
大聲宣告你是我的神
噢，你是如此美好
你是如此配得
我在這裡敬拜你聖名

萬王之王
坐在至高寶座上
散發榮耀的光芒
謙卑自己
來到你所造之地
為了愛犧牲自己

所以我在這裡敬拜
屈膝向你跪拜
大聲宣告你是我的神
噢，你是如此美好
你是如此配得
我在這裡敬拜你聖名

我不知道多少代價
能使我罪釘上十架

所以我在這裡敬拜
屈膝向你跪拜
大聲宣告你是我的神
噢，你是如此美好
你是如此配得
我在這裡敬拜你聖名

講者係末段提到恩典，我特別有共鳴。

約廿年前，爸爸有個係中學教過的學生，係讀大學時頂唔住讀書壓力，精神突然有嚴重問題，深夜成日打電話來我地屋企，弄醒我地，佢的屋企人都同爸爸媽媽傾點做好，佢多次要踩上來我地屋企，爸爸都畀，但第一次上來時，爸爸怕佢搞我地，於是先帶我地逃去外婆屋企，每次上來，學生的媽媽都陪伴在側，怕佢搞事，後來學生返了大陸醫治。之後基本上痊癒，仲曾經係一間名校教中文，過去咁多年每次過時過節，學生都會寄節日卡畀我的爸爸媽媽，應是作為答謝係佢患難時爸爸的幫忙。

……這幾日在想，我打算寄出生日卡。

當我同老細講係5月中我會連續放4日假，但只不過係短周、例假、替同事返工後的補假加加埋埋的大假吧了，老細就話通常黑暗前都會有黎明，因為佢係6月底前要放16日假，咁點算啊，我睇唔切D大版鍋。

龍顏大怒

D英文貼係我鄰居的門度，我覺得好有意思，就影左落來。

入老細房收加薪信，加幅同老細之前講的一樣，仲話之後我仍可以繼續加。而家我每日要返９至１０個鐘，仲要經常做到無停手，一目十行，又要承擔錯野的責任，呢個加幅真係有血有淚。

星期二返工時，見到公司車後面，泊左架TVB車，又見到我前面有個女仔行過去，跟住幾個攝記係咁影相，我以為係明星，但我又認唔到係邊個。今日睇番報紙，原來係面試做港姐，但係睇晒成頁報紙，都無一個似我噚日見到的……哈哈，我見到的將來一定係冠軍。

那晚老細大怒，係排版度一坐下，就面對面同我講，早知個個都無人工加，沖完版後佢向ta姐傾訴，我就偷走左。

灰白間→深藍白

Luca後面隻史迪仔就係我買的啦，仲有隻唐老鴨。

我一直無諗過顏色會出問題，至少我入行以來都未試過，結果上星期睇車頭紙真係見到。本來理財版一直用開灰白間的幾個表，突然其中一個表的灰色變了深藍色，但又繼續用黑字，無轉陰字，咁梗係睇唔清楚啦，最後老細話改。但排版打開個版係都係灰白色，大紙又無事，原來只有打色稿先會見到錯，好神奇。

老細話我同ta姐成日想perfect，結果搞到經常遲版；又要我教新採主，佢改錯同改漏野的稿，要我直接同佢講，咁佢先至有改善，但我都費事同佢接觸，而且理論上唔應該我教鍋。

最近只要當我拿起背囊，福福就會守住門口係咁吠，跟住就會企係放狗帶地方的隔離，因為佢知我要走，佢又要出街街，好醒目。

小食店舊相

舊同事的小食店開張

見唔見到長毛呢?

我送的花牌

photo

無聊 無奈

昨晚有一個無聊，又有一個無奈。

大鄭突然sms我，約我噚晚食宵夜，但因為我而家好遲先收工，而且我估應該無物野傾，所以推左佢。佢跟住打電話畀我，原來係問新人做成點，質素好唔好，我估佢想問左我後，先決定請唔請佢，佢問得好詳細，又問我係唔係我train佢（可能如果係我train佢，質素會有保證，哈哈）、負責做物野、做左幾耐、人工幾多……但我有唔少都話唔知。我只係覺得佢好無聊。而且想挖人都唔使咁公然，新人做得咁短時間亦睇唔到做得好唔好。但朋友話可能因為佢地已無叻人可用，大鄭唔想有半點閃失。

新人今日問我走唔走好，因為大鄚已開了offer畀佢，人工竟然高過我的expectation。睇來可能因為噚晚我一句話新人ok，大鄭即刻誓要搶到佢。

噚晚臨走前老細叫左我入房，傾左超過半個鐘，其間老細問左條我答唔到的問題，「你係明報已經係主任，點解人工可以低得咁緊要？」我好無奈，唔通我話我想要咁低人工。跟住佢預告今次的薪酬調整，我係加得最多的一個(但佢無話係金額定係%)。

助攻王

今晚食飯，同事突然問我鍾意邊隊球隊，佢地睇開足球，但我以前就好鍾意utah jazz，因為有助攻王john stockton。我好欣賞佢鋪橋搭路、唔自私的角色。

Ta姐就快一個人去北歐，但好遲先book機票，尤其甘泉結業，佢買的機票成九千幾蚊，仲未計稅，因為佢話真係好想「走」。不過，我同佢講，如果係我，就唔會買，因為真係超貴，我寧願遲D先，唔同人搶機票。

今晚同新人一齊走，我問佢鄭生interview佢的過程，佢話鄭生踩《蘋果》財經版……

聖經故事

耶穌被釘十字架

阿伯拉罕將兒子獻給上帝

大衛擊敗巨人哥利亞

摩西從上帝手上接過十誡

約瑟被賣給商人（右上角）及他的兄弟去埃及搬糧

天使拯救被囚禁的彼得

迦拿的婚禮(將水變酒)

相較兩年前，我知多了好多聖經的故事。更重要係經歷左好多主的恩典。

迪士尼

終於去了迪士尼玩，好開心!先係青衣城食中午，跟住係欣澳站搭迪士尼專車。由於係平日，唔係好多人，好方便。睇巡遊；同唐老鴨、巴斯光年等卡通人物影相；搭木筏、上樹屋；又玩機動遊戲。最後睇埋煙花先走，勁靚。我買左唐老鴨同史迪仔呢兩隻毛公仔送畀Luca。不過，朋友就未能同佢最鍾意的史迪仔影相，咁下次再來過先影鑼。跟住就去東涌食晚飯。

我覺得D同事真係好好。我放假個日老細下令呢個星期嚴查寫稿、審稿同編輯睇稿的時間，睇下邊個環節出事搞到成日遲版，D同事以為我唔知就過來同我講，尤其係舊採主7點幾專登走過來，細細聲通知我，怕我審得耐搞到遲版被人鬧。

新人突然自爆星期日大鄭in完佢，我有小小詑異，但佢話唔會離開蘋果。

蒙面超人

連續兩晚搭通宵巴士返屋企時，見到同一個乘客載左個用報紙做的油漆師傅帽，仲大到可以遮埋隻眼，應該係到閉目養神，我覺得好得意，好似蒙面超人。

噚晚坐公司車走，竟然見到Mol姐無等老細，連佢都偷走，佢跟住同我坐，大家八卦下。一向覺得佢好惡，鬧人時成日好似想食左人，好得人驚，但今次大家都幾好傾，而且上次佢咁有義氣，都對佢有D改觀，我彈新採主時，佢都無因為同佢friend而幫住佢，佢都以事論事，一齊彈。

義氣

噚晚我地包尾，我仲改錯野，後來自己睇到要改。

噚晚唔知道港聞一早打算改版，所以佢地好早去晒先，打亂左我的預計時間，遲左港聞大約3分鐘沖，但較呢排我地的沖版時間早沖左好多。當港聞一版一版咁搞惦，我又要迫自己再睇快D，全程趕到好緊要，唔計地產版，我要睇6版新聞版，由於係睇版時intensive地用晒我的精神，沖完版後好似虛脫左，但仲要留底睇D版有無錯。

我講笑地怨老細，要早沖時佢偏偏放左假，老細愛將Mol姐即刻話：「唔好咁，經過今日，你的實力又提升左。」呢幾日好彩有Mol姐幫手睇，雖然佢將改題的責任交畀我，但幫手睇至少已減少D錯。雖然遲左版，我又改錯野，但整體我都滿意，可能我對自己要求「好低」。

買了鍾意食的豬柳蛋漢堡返屋企做宵夜，又倒了一杯可樂飲，經過大作戰後，特別覺得好食，而且心情輕鬆晒。

今日開會時，我率先自隊起錯題，估唔到Mol姐咁有義氣，即刻話佢都有責任，因為噚晚佢睇唔到，老細笑住話點解咁多人話係自己錯。