三則事情

雖然心情都係差，但已好過之前，至少由地獄出返來，但就在門口徘徊。同事小白今個月同我食咗不少晚宵夜。同佢做咗friend、加埋知道Margaret原來咁關心我，是我今個月唯一的得著。除咗食宵夜，跟住呢個多星期又同冬姐與santa唱了兩晚K，搞到晚晚最早都要兩點半，最遲6點幾先返到屋企，搞到阿媽好驚添。

今個月完全無心機工作，返工時成日想東想西，好彩我經驗勁，只要沖版前畀我十幾分鐘聚精會神地睇一次，就已避免到錯漏百出。今個月我不在狀態，但最諷刺係幾日前上司Alfred同我講：「星期日我放假，你同楊淨(另一位同事)放唔放假，如果有你地兩個返，一個編頭版，一個編地產，我就最放心。」

這幾日在公司，有一些事情：
秘書派糧單畀我，但派錯，因為投資版主管的姓名只同我相差一個字，好彩我睇一睇個名，如果唔係就拆開咗。
我：妳派錯咗，如果燦哥拆開我份糧單，見到人工少咗咁多，實嚇襯佢。
秘書：哈哈，咁你又唔好咁自卑，你人工都唔低架。
我的人工係唔係真係唔低啊，但最驚訝係公司畀我千多元的year-end payment，我之前以為無添。

另外一單係，我有晚公司電話響，「呢度係唔係蘋果日報，我想搵Francis」，我部電話壞壞地，一直flash唔到，但我都想試下，就向人人都叫佢Francis的副採主，問佢的內線係幾多，但我最後都flash唔到，就同電話裏的人講：「我flash唔到，不如……」，我還未講完，佢可能以為我唔畀佢同Francis傾電話，於是佢就講：「我係Francis媽咪」，我嚇襯，就同副採主Francis講：「你媽咪搵你，不如你過來聽」，採主阿尹就講：「連阿媽都要打來搵仔」，副採主傾了幾秒電話後，就叫瑛姑聽電話，我都知出事。副採主笑住很尷尬地同我講：「呢排你工作壓力係唔係好大」，原來瑛姑都叫Francis，但所有同事都叫佢瑛姑，我點知佢都叫Francis鍋，結果搞到我好尷尬。

兩日前的一晚有位同事上了公司車，向我講：「點解你傻更更」，我估唔到佢會用傻更更呢幾個字。至於點解傻更更，那刻我又在想一些唔開心的事。

《不再幼稚》

屋企電腦有事，呢個多月真係唔知點講，總之一言難盡。

離開舊公司3個幾月後，近一個星期，同不少舊同事聯絡上，一直無聯絡的股神同美術阿安突然打電話給我，股神當然畀貼士我啦，買後今日真係升唔少，開心佢仲記得我。

上星期同Bill Ko與Amy食飯，之後同Bill電郵，佢介紹一本書給我：《不再幼稚》。嘩，唔係掛，唔通有所暗示，一定要買來睇下先。橫惦我剛睇完漫畫《死亡筆記》，有時間睇呢本。

漣渏

「先 生 、 水 動 的 時 候 、 沒 有 人 把 我 放 在 池 子 裡 ． 我 正 去 的 時 候 、 就 有 別 人 比 我 先 下 去 。」究竟我是否已是這種心態，但點解呢幾個月又會泛起漣渏。

哥哥打算幫我拿安眠藥，嘩，咁我一共有三款安眠藥。以前都無食，呢1個月唔知係唔係食咗，仲要有時一晚食兩粒唔同款，搞到更加抑鬱，亂講說話，還有時在公司自言自語。哥哥打算將我轉介去看心理醫生，唔駛啦!這兩日心情已好番小小。

連累了媽咪

昨日關了門在自己房喊，媽咪可能聽到，入了房，見到我這樣，她很擔心，我都成廿年以上未係媽咪面前喊過，我呢十年一直收埋自己係度喊，但我而家真係好需要妳係我旁邊陪我，我有好多事好唔開心，死神好像在呼喚我。呢十年，未經歷過的人，講到簡簡單單，但有苦只有自己知，如果我只有3個月命，我都搵屋企人先啦!而且我也不是白過，至少工作上我一直在努力，贏得所有上司的賞識，我就算回歸舊公司都唔代表我無志氣，如果舊公司開出好條件，唔通我唔去，而且我覺得舊公司在工作上唔少地方都好過新公司。經過周五那日，我RSI已跌到十幾，我唔信我的RSI最後只有零。

近期咁唔開心，都好多謝有人陪我。小白陪了我食了很多晚宵夜；Amy為我祈禱；我估唔到Margaret都對我咁好，連英國的電話都畀我，還請Amy搵我，Amy話Margaret一年都唔同佢MSN一次，今次為了我罕有地同佢MSN；阿權係我好朋友；還有好多舊同事的關心，多謝你地。

自身難保

一位舊公司港聞同事，非常開心地多謝我一直的支持，佢話在工作上終於有回報。但我就幫到人，幫唔到自己，總之自身難保，唔知兩個月後可唔可以無咁唔開心。

冬姐同鄭生的衝突越來越犀利，擺明博炒，鬼叫鄭生趕走咗咁聽話的我，佢都算自食其果。我一向唔鍾意同人爭，鄭生啊，你知唔知我唔會同你爭權架，我寧願做少D。

鄭sir搵我食宵夜

噚日去搵阿權，佢陪咗我3個鐘，我繼續喊，咁唔開心，唔通要笑，佢知道晒我唔開心的幾件事。

好彩冬姐一早同我報料，與鄭sir開大片，.冬姐嬲到中途就走，所以當鄭sir約我食宵夜時，我唔算太驚訝。一放低電話，本來第一個就想打電話畀佢同佢商量，後來無咁做，咁同以前已經唔同咗麻。鄭sir在試探我，我就亂講一通，佢都無我符，最後只是叫我想下返來做，我就唔想參戰啦，而且我心情咁差，費時煩上加亂。不過，我估我已經好難返去，我唔想見到佢。

噚晚終於係近兩個星期第一次瞓多過3個鐘，希望慢慢可以回復正常。

今日自己去咗行山，無搵人陪，因為驚唔係個個肯咁做。如果而家唔行，又驚遲D無機會。今日見到一共近廿隻狗仔都去行山，大中小都有。下次去吓新界先。

打中文

呢兩個星期我都瞓唔到，每日淨係能睡3小時，係我一生中最唔開心的日子，死神好像在呼喚我，昨日早上一邊同阿權傾電話，一邊喊，將我兩個秘密都講了給他聽，其中一個更是陪著我十年最難過的秘密，我同阿權講唔知今次我過唔過到呢一關。我返工前阿權無端端又打畀我，搞到我又喊過，搞到我返到公司唔夠一分鐘，採主就問我你今日點解咁殘，好唔惦喎，佢好似可看透別人的心，佢之前又係類似咁同我講，但兩次我都真係好傷心。今日又差D喺公司喊!

當我無晒心機工作時，編輯主任鄧先生又成日撩我傾計，兩位同事話我地好似兩父子，唔係掛，但同佢真係越來越friend!

放工與同事小白同車傾計，勁好傾，佢見我心情非常差，陪我搭到銅鑼灣，仲食埋宵夜，今年我都係第一次同人傾計可以咁相向，佢講完輪到我講，我無話題佢又接力，那種感覺很舒服，大家又勁傾秘密，我估唔到佢連呢D都同我講，佢仲喊埋，喂，咁究竟邊個易喊D，我自己就喊得多，但都係第一次有女仔在我面前喊，佢好似當正我係超級知己咁，向我傾訴，今日我終於喺經濟版識到一位可以傾心事的朋友。係啊，仲有那位惡女人，都係成日幫我，我做唔切，佢主動幫手。

HSI

Although I lose a substantial amount last week, it is still okay. I have sold nearly all stocks last Friday except 305 which is ceased trading as well as all new issues subscribed. Cash is King. I can buy low and earn back later. HSI will continue to sink since it has fallen apparently below the increasing trend line.

Trough

I reach trough in my life now. It is my most difficult and painful period within recent ten years. I get four losses. I am extremely exhausted and tired. If I can be luckily fired, I want to rest at least one month.
When I play Mah-jong with my colleagues after work, they also deem that I look very upset in the previous days. One guess it is because I have begun to do two pages each day, so she promises to help me in next week, haha. It is an unexpected return.

Misunderstanding

In recent days, HSI falls a lot. Maybe I look depressed (but due to another reason), many colleagues and supervisors wrongly think that losing money makes me unhappy, for example：
范總：「點呀你，無晒心機咁，輸好多啊」
採訪主任：「點解塊臉黑晒」、「總之記住錢財身外物」
Although I have lost during this downturn, in fact stock will never affect my mood largely and for a long time.