捉迷藏

噚晚我唔等老細就走，因為要帶福福同芝芝出去玩。雖然芝芝已經4歲，但由於前主人一直唔帶佢出街，佢行得有D吃力，經常喘氣，要飲水，但福福反而我地餵佢飲，佢一滴都唔飲。但正係因為佢對行街好陌生，所以就算我地後來好快幫佢除左條狗帶，可能佢驚我地留底佢，唔敢離開我地半步，死跟我地。

福福就行慣行熟，但噚晚勁大風，尤其我地行去海傍時，福福試過被風吹到唔肯行。

芝芝：行死我，下次唔好玩咁的野，我寧願係屋企歎冷氣好過?

我地後來同芝芝玩捉迷藏遊戲，最後佢都搵到我地。

奇妙

前日我地又做惠理的新聞，今次經一係做勁輸錢，其實我都買左惠理高息基金。由於呢日做惠理，沖完版後，突然好想打電話畀一位好朋友，但望一望個大鐘，已經12點半，所以作罷。點知第二日睡醒無耐，就收到佢的電話，真係神奇。

幾星期前，當我瀏覽稿件時，見到惠理大裁員，仲話專cut新入職同後勤人員，我同老細講我有個舊同事中晒呢兩樣野，點算?老細就話：「唔使驚，搵佢入蘋果，我請佢!」好彩，佢做左生還者，佢話未過試用期的幾位同事中炒剩佢。

老細終於批左我下個月連續放六日假，得來不易。

踩單車

輾轉之下，星期六與幾位同事去了踩單車，已經好耐好耐無踩過，開頭唔記得點踩，慢慢又掌握到竅門，但上斜同落斜都係唔惦，上上下斜便無力再上，而落斜都試過幾次得手。

我地由大圍踩到去大埔，沿途雖然風景都好靚，但我唔識踩，好驚撞到人，又大落後，要趕上同伴，所以淨係欣賞好少。我雖然全程99.9%都係最後一個，但竟然出奇地唔使我包尾，因為有兩個同事迷路，唔識搵番單車舖，而我由科學園至單車舖那段，有位同事可能怕我唔識路，成日都等埋我，不時向後望我係邊，結果我跟住佢，尾３那位到達目的地，爆出個大冷門。

荷蘭

有同事剛去了荷蘭，在當地send了封e-mail畀我地幾個，雖然只有幾句，但有提到我啊，哈哈。「這是我在荷蘭姐姐家及附近的公園.阿Ben做死左未,未就頂住先,我明日去阿姆斯特丹玩」

今日另一位同事便拿呢句同老細講，老細話：「又唔問下我死得未？」

星期一仲睡緊時，唔知點解呢個朝早兩個舊同學不約而同打電話來。Rita令我好impressed，因為佢話「好感恩」，多謝佢間接提醒我。而Chris就剛由內地玩完兩個星期返回香港。

新朋友

星期四與Amy約左Bill哥哥食中午，已經成年幾未見過Bill啦。我地去左星街附近食，成個soho區咁，但係又好靜，加上都算近地鐵，又位於商業區，怪唔知個幾幢新樓盤咁貴。

估唔到Z入院咁大件事，亦估唔到佢會同我講發生物野事，因為我同佢一D都唔熟。

來緊呢一、兩個星期，我都幾「難捱」，因為我的兩位「鄰居」都遠行，一個去左荷蘭玩，一個就去左俄羅斯出trip，係公司少左人同我傾計添。

計劃下個月同屋企人去台北玩，唔知老細准唔准我放假呢?

《安靜》

感覺出奇地好，原本驚會唔會好怪，又憂慮甚麼那麼，最後也不是，恰巧最初打算與同事去駕單車，因為怕打風去不成，加上朋友打電話來，講笑話我唔去，會食左我份手信，哈哈，結果去左。

三首歌我都未聽過，好鍾意呢一首：
《安靜》
藏我在翅膀蔭下，遮蓋我，在你大能手中。
當大海翻騰波濤洶湧，我與你展翅暴風上空，
父你仍作王在洪水中，我要安靜知你是神。
我靈安息，在基督裡，你大能，使我安然信靠。

有幾個moment都touch到我，例如唱到「我要安靜知你是神」、傳道講到劫後餘生等。

http://www.youtube.com/watch?v=IZTbyL1XvfI&feature=related