再見(二)

美術同事阿星要走，放工後去了旺角食宵夜，但搭小巴返屋企時竟然見到鄧生，與佢的好友Michael行過。

感恩‧再感恩

年三十晚食完團年飯後，一家人去了東華東院探祖母，但可能食了藥，精神麻麻地。

跟住同朋友再夜訪勵德村，因為上次出街friend病左，於是我單拖去，但去到時覺得驚，於是好快走。今次有人一齊去壯膽，於是逗留好耐，仲周圍「視察」。

好彩朋友見到可以爬上去，如果唔係，今次之行，一定失色唔少。

每隔兩層，電梯大堂隔離便有一塊很大的空地，可以用來玩同打乒乓球，覺得好特別。

接近１２點時去了維園行花市，估唔到母校的攤位咁好賣，咁快就收檔，勁！

同朋友傾到６點９，返到屋企時已近八點，好快就睡了。原來最佳損友今次無講大話，5點幾真係有去維園執平貨，7、8點離開，如果通知我，大家可以飲埋早茶先返屋企。

與朋友分享了我最鍾意的《哥林多後書》第十二章，內容大意係保羅身上有一根刺，佢三次求告主，希望主幫佢拔掉那根刺，但主就話：我的恩典已夠你用。

主竟然再賜畀我最大的恩典。

再見

今個星期仍然活在那件事的陰霾下，但感覺已好多了，星期五晚臨收工時，另一個採主便趁只有三、四個人，過來問候我。

匯豐股價大插水，我為了要一嚐做股東的滋味，於是幫手做血肉長城，仲做了尾市時八千個買盤的其中一個。我自己都估唔到咁耐以來的第一擊，竟然係買匯豐。

珈珈被人收養了，希望佢永遠快樂！今次沒有放太多感情落珈珈到，所以沒有像貓B迪那次傷感。記得送走貓B迪那次，我一返到公司，就陪最佳損友上canteen安頓情緒，一入電梯佢已係咁喊，但估唔到３樓有人入，我估實以為我搞喊最佳損友，水洗都唔清。

呢排掛住玩，有一段時間無返教會，所以見唔到舊同事Amy。惟有今個星期同佢食中午時，先有多D時間傾下。連佢都讚我睇唔少聖經，因為佢講的我都知，實在太厲害，睇來如果我被炒，可以走去傳教，haha。最難忘係分道揚鑣後的一個電話，touch到我，很感動，多謝關心。

Luca仔提早一日來我屋企玩，阿哥同阿嫂就去逛花市，我同Luca玩左接近３個鐘，很開心。

避禍

我放假，幾位同事放工後專登過來北角同我食宵夜，又搵埋Patsy同marco來，一齊商討應付之策。呢單野真係超級大麻煩，最慘係得罪佢，後患無窮，真係要想辦法避禍。

之前我為左呢單野睡唔到，因為始終令到人唔開心，但經過佢地分析後，我想深一層，其實個日反而係救左佢兩次：佢一開始做左個表畀我，數字係完全錯晒，好彩睇到，無出到；跟住呢單，寫成咁，如果出到街實被人笑，而家反而將矛頭完全指向我，又係老細面前乘機告狀，鬧我唔夠光明磊落，又話我玩手段，而佢就將自己的失誤掩飾過去。

因為呢單野，呢幾日都去教堂祈禱，可能係一個安排，令到我又靠近番。

屋漏兼逢連夜雨，祖母入左醫院，醫生話佢肺炎，去睇佢時見到佢連手都腫晒。

天使在哪裏？

出左大事！得罪佢的下場通常都好慘烈，只怪自己程序忙中出錯。傷心，不是怕自己的下場，因沒有任何的包袱，反是因連累了兩位幫我的同事。向問題少女道歉時，竟然喊了出來，已有超過年半沒有那麼失威，很怕累了其他人。其實，仲物要做到咁辛苦，大家求其D仲好。

今日見到明報一篇文：「如果我哭喊，各級天使中間有誰聽得見我？」，而標題係「天使在哪裏？」

聖瑪加利教堂

由於勵德村係圓形，企係中間位置，由上面影落來或者由下面影上去都咁靚，有震憾的效果。

荃灣－美孚－長沙灣

星期六去了玩，自己先去荃灣三楝屋，其實讀大學時已去過，不過個時無影相，而家想影番。

跟住同朋友會合後，去了美孚新村。幾年前去過幾次，因為有同事入了醫院，要係個度搭小巴探佢，但就未真係行過。今次重點係去隔離的公園，估唔到咁靚，可惜日落得太快，一到夜晚我就投晒降，有好多想影都無辦法。

之前我仲以為美孚新村無物商舖，食肆得幾間，估唔到唔係。

本來另一重點係去李鄭屋古墓，但太夜去唔到，不過我地都專登去一去。幾年前我已好想去，但搵唔到friend陪，估唔到朋友都想，於是一拍即合，但最後都無緣，惟有等待下次。

最後我地去左李鄭屋村同蘇屋村探險，可惜附近的三間教堂已閂門無得入。