「貓B迪」重現？

同事結婚，晨咁早去左觀禮。財經版新舊老細同時現身，佢地好似前後腳咁，老細趕住走要先影，後來生果報新舊同事影大合相時，見到傳聞中的舊老細添哥。今日亦見到一D舊公司前同事。

係等影相時，我見到呢個小朋友著得咁得意，所以影左落來。

最佳損友屋企而家除左有兩隻狗仔外，仲多左隻貓BB，好細隻。

「殺人」

我都要學人寫appraisal，仲要寫每人的評語同建議炒一個人，感覺好似自己親手殺了一個人。幸好今次交邊個出來實在呼之欲出，已經係老細心目中的人選，我只係循例填填罷了。

生日快樂

阿爸同阿哥生日，於是去左太古城飲茶，跟住上阿哥屋企食蛋糕，以及同Luca玩，佢用手按住個架火車就係我之前送畀佢的啦，阿哥話Luca超級鍾意。

第一次聽到《因你愛的大能》，自己幾鍾意 ，尤其係兩句歌詞：「主開啟我眼」，同埋「吸引我靠近你身旁」。真係巧合，牧師今日竟然提到聖經入面我最鍾意的一句，佢話蘇絲黃拿TVB獎時都講左呢句。

你地睇下兩隻狗仔齊齊望住我，又係因為我拿住佢地最鍾意的飯後甜品。

我住的大廈外貌

我的卡片

感謝幫忙

請前上司阿森食飯，想表達萬分的謝意，因為係舊公司時幫我勁多。我地約埋球叔一齊食，球叔book左灣仔杭州酒家，三個人食四人餐，結果剩好多，佢地話我住得近，結果我打包返屋企。

下一個要請的係小葉，又係幫我好多的舊同事。真係唔知點解佢地當年會咁幫我呢個後輩，好慶幸可以遇到佢地。

台北遊

Day 1

下晝到達台北後，就去左阿媽鍾意的地方──寺廟（龍山寺），跟住去紅樓劇場，睇地圖兩個地方好似幾近，其實原來幾遠。

最有意外收穫，反而係睇到總統府的操兵及落旗儀式。順路去書局街幫同事買書後，就去西門町附近食晚飯。

Day 2

呢日去左故宮、至善園、陽明山、台北１０１等。

係故宮睇到翠玉白菜同好多手工精細的文物、又知道清朝已經有咁多得意款式的多寶箱、知道古代有D食器同裝酒的杯，原來係下面部分預留左地方可以加水煮熱、介紹左古時一D畫畫手法，好似甚麼左虛右實……

係１０１觀景台，最吸引我的係介紹１０１的短片，重播左以前有一幕煙花表演，大量煙花從１０１兩旁爆出來，真係靚到好緊要。至於俯瞰台北全景，當然無歐洲咁靚，相差好遠。

Day 3

去左指南宮、深坑豆腐街、中正紀念堂、士林夜市……

想搭貓空纜車，但出發前一日知道已經停駛，有些失望。原來係指南宮都眺望到１０１。

我覺得中正紀念堂靚之餘又有氣勢，好彩最後有去，但對入面的展覽就無物興趣。

原來士林夜市真係有咁多人，仲旺過旺角，好似維園年宵市場咁。

Day 4

最後一日去忠烈祠、孔子廟、鼎泰豐等。

睇士兵交更，成個儀式都成十多分鐘，我又乘機同士兵影相。

孔子廟睇到的反而係舉行緊國際成人禮，覺得幾特別。

無意間睇到幾幅畫，覺得幾好睇，有三英戰呂布、花木蘭代父從軍、八仙戰海龍王等。

黃昏時就搭飛機離開台北。

放大假

老細話以後連財經副刊版都由我個組編，跟住問我邊個編輯適合編，咁即係玩我，我唯有答：咁又即係要我自己編埋？
如果連副刊版真係要我睇埋，咁就慘！

我開始放大假，可能老細仲記得上次我個招，所以收工後老細車我去觀塘時問：你老老實實同我講，究竟你放假個排，仲有邊個編輯放假？

行山

與舊同事去左行山，我當然又係行得最慢那個啦！